ЖАЛАЛ-АБАД ШААРЫНЫН МЭРИЯСЫ МЕНЕН "CHINA CONSTRUCTION FIFTH ENGINEERING DIVISION CORP.LTD" МУНИЦИПАЛДЫК БАЗАРДЫ КУРУУ БОЮНЧА КЕЛИШИМГЕ КОЛ КОЙДУ

 22-ноябрда Жалал-Абад шаарынын мэри Эрнисбек Ормоков менен "China Construction Fifth Engineering Division Corp.ltd" компаниясынын башкы директору Цю Цзюэчжун муниципалдык базарды эки жыл ичинде сапаттуу кылып бүткөрүү боюнча келишимге кол койду.

 Шаар мэри Эрнисбек Ормоков Цю Цзюэчжунга жана Кытайдын бешинчи инженердик бюросунун генералдык директору Лю Дунга кызматташтык үчүн терең ыраазычылык билдирип, иштерине ийгиликтерди каалады. Өз кезегинде Лю Дунда шаар башчысына ыраазычылык билдирип, алдыда эки тараптуу кызматташууну жаңы деңгээлге алып чыгууга кызыктар экендигин билдирди.

 Документтерге кол коюу иш-чарасына Президенттин Жалал-Абад облусундагы ыйгарым укуктуу өкүлүнүн орун басары Мамасалы Акматов да катышып, Кыргыз Республикасы менен Кытай Эл Республикасынын соода-экономикалык карым-катнашы жылдан-жылга өнүгүп жатканын белгиледи.