ЖАЛАЛ-АБАД ШААРЫНДА НООРУЗ МАЙРАМЫ БЕЛГИЛЕНДИ 2025

 21-мартта Жалал-Абад шаарынын борбордук аянтында Нооруз майрамы салтанаттуу түрдө белгиленди.

 Майрмадык иш-чарага Президенттин Жалал-Абад облусундыгы ыйгарым укуктуу өкүлү Тилек Текебаев, Жалал-Абад шаарынын мэри Эрнисбек Ормоков, Жогорку Кеңештин депутаты Айбек Маткеримов, шаардык кеңештин төрагасы Орозбек Турдубеков, шаар тургундары жана коноктор катышты.

 Эрнисбек Ормоков шаар тургундарын жана конокторун Нооруз майрамы менен куттуктады: "Улустун улуу күнү аталган бул майрам баарыбызды жаратмандыкка жетелеп, элибизди ынтымакка, биримдикке чакырган жалпы элдик майрам.

Ошону менен бирге Нооруз майрамы элибиздин бай маданияты менен нарк-насилинин тээ тереңден келгендигин туюндуруп, биздин канчалык улуу эл экендигибизди айгинелеп турат.

Ата-бабалардан калган бул көөнөргүс салтыбызды дагы да байытып, кийинки урпактарыбызга жеткирүү биздин милдетибиз".

 Иш-чара концерттик программа, сахналаштырылган көрүнүш, жарманке, сүрөт көргөзмөсү жана спорттук оюндар менен коштолду.