ЖАЛАЛ-АБАД ШААРЫНДА НООРУЗ МАЙРАМЫ БЕЛГИЛЕНДИ

 Бүгүн, 21-мартта Жалал-Абад шаарында Нооруз майрамы салтанаттуу белгиленди. Аба ырайына байланыштуу пландалган иш-чаранын расмий жана концерттик бөлүгү борбордук аянтта эмес Барпы театрында өткөрүлдү. Ал эми “Эркиндик” аянтында улуттук кол өнөрчүлүк, тамак-аш жарманкеси уюштурулду.

 Иш-чарага Өзгөчө кырдаалдар министри Бообек Ажикеев, Президенттин Жалал-Абад облусундагы өкүлү Абсаттар Сыргабаев, Жалал-Абад шаардык кеңешинин төрагасы Нуртилек Орозбаев, мекеме-ишканалардын жетекчилери жана калаа тургундары катышты.

 Анда министр Бообек Ажикеев Президенттин атынан калаа тургундарын Нооруз майрамы менен куттуктап, өлкөдөгү өзөктүү өзгөрүүлөргө токтолду.

 Иш-чарада сахналаштырылган көрүнүш, алас айтуу жөрөлгөсү орун алды. Андан соң саамалык концерттик программа менен коштолуп, ыр-бийлер аткарылды.