ЖАЛАЛ-АБАД ШААРЫНДА МУГАЛИМДЕР АРАСЫНДА ӨТКӨРҮЛГӨН “ДЕН-СООЛУК 2025” СПАРТАКИДАСЫ ЖЫЙЫНТЫКТАЛДЫ

 Жалал-Абад шаарынын мэриясынын колдоосу менен шаардык билим берүү бөлүмү тарабынан мугалимдер арасында өткөрүлгөн “Ден-соолук 2025” аталышындагы спартакида жыйынтыкталды.

 Иш-чарага мэриянын социалдык өнүгүү секторунун башчысы Кубанычбек Шерматов, шаардык кеңештин депутаты Жыпар Аманкулова, билим берүү жана илим кызматкерлеринин кесиптик бирлигинин Жалал-Абад шаардык комитетинин төрагасы Максат Мамасадыков, шаардык билим берүү бөлүмүнүн окуу усулдук кабинетинин башчысы Акылбек Таңатаров жана мектеп мугалимдери катышты.

 Спартакиадага Жалал-Абад шаарындагы мектептерден жалпы 337 мугалим катышып, спорттун 7 түрүнөн күч сынашты. Жыйынтыгыгында 1-2-3-орунду ээлеген командаларга грамоталар жана баалуу белектер тапшырылып, республикалык турга жолдомо алышты.