ЖАЛАЛ-АБАД ШААРЫНА КЫТАЙДЫН ШАНЬСИ ПРОВИНЦИЯСЫНАН ДЕЛЕГАЦИЯ КЕЛДИ

 31-май күнү, Жалал-Абад шаарына Кытай Эл Республикасынын Шаньси провинциясынын Элдик чогулушунун туруктуу комитетинин төрагасынын орун басары Се Хун баштаган делегация келди.

Алар алгач Президенттин Жалал-Абад облусундагы ыйгарым укуктуу өкүлү Абсаттар Сыргабаев жана шаар мэри Эрнисбек Ормоков менен жолугушуп, эки тараптуу кызматташуу боюнча пикир алышты.

 Андан соң, шаардагы "Келечек" фирмасынын, "Барса" футбол академиясынын жана "Жалал-Абад" санаториясынын ишмердүүлүгү менен таанышты.

 Эске салсак, Жалал-Абад жана Шаньси провинциясынын ортосунда 2021-жылдын 23-сентябрында онлайн режиминде боордоштук мамилелерди орнотуу тууралуу атайын макулдашууга кол коюлган.

 Белгилей кетсек, Шаньси провинциясы Кытайдын борбордук жагындан жайгашып, 35 млн. калк жашайт.