Жалал-Абад шаардык кеңешинин IX чакырылышынын кезексиз XXXII сессиясы өттү

Бүгүн, 28-сентябрда Жалал-Абад шаардык кеңешинин IX чакырылышынын кезексиз XXXII сессиясы өттү. Ага Жалал-Абад шаардык кеңешинин төрагасы Нуртилек Орозбаев, шаар мэри Эрнисбек Ормоков, депутаттар жана тийиштүү мекеме-ишканалардын жетекчилери катышты.

Сессияда төмөндөгү 6 маселе каралып, бир катар суроо-сунуштар, өзгөртүү, толуктоолору менен эл өкүлдөрү тарабынан колдоо тапты.

1. Жалал-Абад шаарын өнүктүрүүнүн 2040-жылга чейинки башкы планын бекитүү жөнүндө.

2. Жалал-Абад шаарынын экономикалык-пландоо зоналарынын (имараттар, курулмалар жана жайлар үчүн ) К3 зоналык коэффициентти бекитүү жөнүндө.

3. Жалал-Абад областык өнүктүрүү фондунан Жалал-Абад шаарынын Т.Тайгараев атындагы аймактык башкармалыгында жайгашкан Төш-Кутчу айылына заманбап кичи футболдук аянтчасын куруу долбоорго макулдук берүү жана үлүштүк каржылоосун бөлүп берүү жөнүндө.

4. Жалал-Абад шаарындагы жеке менчик жер тилкелеринин укуктук зоналарын өзгөртүү жөнүндө.

5. Жалал-Абад шаары боюнча жергиликтүү курултайды чакыруу жөнүндө.

6. Кыргыз Республикасынын Эсептөө палатасынын Ош шаары, Ош, Жалал-Абад, Баткен областтары боюнча аймактык бөлүнүшүнүн 2021-2022-жылдар аралыгындагы аудиттин отчету тууралуу.

Мындан сырткары эл өкүлдөрү тарабынан ар түрдүү маселер айтылып, жеринде жетекчилерге сунуштар жана тапшырмалар берилди.