Жалал-Абад шаардык кеңеши кеңейтилген жыйын өткөрдү

 Бүгүн, 2-мартта Жалал-Абад шаардык кеңешинин төрагасы Нуртилек Орозбаев, шаар мэри Эрнисбек Ормоков, тиешелүү мекеме-ишканалардын жетекчилеринин жана эл өкүлдөрүнүн катышуусунда кеңейтилген жыйын өттү.

Анда шаардык кеңешке аткаруу бийлигинен, мекеме-ишканалардан жана жарандардан келип түшкөн каттар боюнча талкуу жүрүп, айрымдары боюнча кайчы пикирлер да жаралды. Атап айтканда республикалык бюджеттен бөлүнүүчү 2 млрд. сом акча каражатына курулуучу объектилер, Жалал-Абад шаарынын “2023-2026 –жылдарга туруктуу стратегиялык өнүгүү” программасы, “Түшүм –Суу” СПА (Суу пайдалануучулар ассоциациясы) балансында турган 52 чакырым ички каналдарын мэриянын балансына кабыл алуу жөнүндөгү маселелер талкууга алынып, талаш-тартыш, сунуш-пикирлер менен сессиянын кароосуна жиберилди.

Ал эми "Борбордук базар”, “Шабдалызар”, “Строймаркет” базарларынын төлөмдүк тарифтерин көтөрүү боюнча шаардык мэриядан келип түшкөн сунуш артка кайтарылды.