ЖАЛАЛ-АБАД ОБЛУСТУК ООРУКАНАСЫНДА 7 КАБАТТУУ ИМАРАТТЫН КУРУЛУШУ БАШТАЛДЫ

 22-июнь күнү, Жалал-Абад облустук клиникалык ооруканасынын жаңы корпусуна капсула салуу аземи орун алды. Иш-чарага Министрлер кабинетинин төрагасынын орун басары – УКМК төрагасы Камчыбек Ташиев, Президенттин Жалал-Абад облусундагы ыйгарым укуктуу өкүлү Тилек Текебаев, Жалал-Абад шаарынын мэри Эрнисбек Ормоков катышып, 7 кабаттуу заманбап ооруканынын курулушуна старт берилди.

 Учурда 2 жарым гектарга жакын аянтка 280 орундуу жаңы имараттын курулушу жүрүп жатат. Каражат республикалык бюджеттен бөлүнүп, 2026-жылдын ушул мезгилине бүткөрүү пландалган.

 Эске салсак, Министрлер Кабинетинин төрагасынын орун басары - УКМК төрагасы Камчыбек Ташиевдин тапшырмасы менен буга чейин оорукананын айланасындагы соода түйүндөрү, дарыканалар, оорукананын аймагындагы эскилиги жеткен жана жеке менчик клиникалар буздурулуп, оорукананын жеке менчикке өтүп кеткен жерлери кайтарылган.