Жалал-Абад: «Ак кар-2023» аталышындагы спорттук мелдеш өттү

 Бүгүн, 28-январда Жалал-Абад шаарындагы Курманбек фольклордук талаасында “Ак кар-2023” аталышындагы кышкы спорттук иш-чара өттү. Ага Жалал-Абад шаарынын мэринин орун басары Гулбарчын Таштанбекова баштаган мекеме-ишканалардын жетекчилери жана кызматкерлери катышты. Иш-чарада мекеме-ишканалардан түзүлгөн жалпы 9 команда спорттун 4 түрү боюнча күч сынашты.

Жыйынтыгында мыкты аталган командаларга мэриянын дипломдору жана ыраазычылык баракчалары тапшырылды.

 Белгилей кетсек, аталган иш-чараны уюштурууда акча каражаты бөлүнгөн эмес. Спорттук иш-чара шаар тургундарын сергек жашоо образына тартуу менен Кыргыз Республикасынын президентинин “Инсандын руханий-адеп-ахлактык өнүгүүсү жана дене-тарбиясы жөнүндө” жарлыгын ишке ашыруу максатында уюштулду.