“ЖАЛАЛ-АБАД - 2025 ЭРТЕ ЖАЗ” ФЕСТИВАЛЫ БОЛУП ӨТТҮ

15-мартта Кыргызстан менен Орусиянын аймактарынын “Достук” эс алуу багында “Жалал-Абад-2025 эрте жаз” фестивалы болуп өттү.

 Иш-чарага Президенттин Жалал-Абад облусундагы ыйгарым укуктуу өкүлү Тилек Текебаев, Жалал-Абад шаарынын мэри Эрнисбек Ормоков, шаардык кеңештин Төрагасы Орозбек Турдубеков жана шаар тургундары, коноктор катышты.

 Фестивалда Жалал-Абад облустук Т.Тыныбеков атындагы филармониясынын кызматкерлери тарабынан жандуу музыкалык чыгармалар, күүлөр аткарылды. Ошол менен катар Б.Алыкулов атындагы кыргыз драма театрынын артистери тарабынан Жалал-Абад шаарынын жаралуу тарыхы сахналаштырылды.

 Ошондой эле, спорттун баскетбол, аркан тартыш, футбол, теннис, шахмат түрлөрү боюнча, сүрөт тартуу, кол өнөрчүлүк боюнча адистер мастер класстарды көрсөтүштү.