УЛУУ АТА МЕКЕНДИК СОГУШТАГЫ ЖЕҢИШТИН 80 ЖЫЛДЫГЫ БЕЛГИЛЕНДИ

УЛУУ АТА МЕКЕНДИК СОГУШТАГЫ ЖЕҢИШТИН 80 ЖЫЛДЫГЫ БЕЛГИЛЕНДИ

 Бүгүн, 9-май күнү Жалал-Абад шаарында Улуу Ата Мекендик согуштагы Жеңиштин 80 жылдыгына карата салтка айланган "Өлбөс полк" жөө жүрүшү уюштурулуп, жөө жүрүштүн катышуучулары "Эркиндик" аянтынан "Жеңиш" эс алуу багына барышты.

Майрамдык иш-чарага Жалал-Абад шаарынын мэри Эрнисбек Ормоков, шаардык кеңештин төрагасы Орозбек Турдубеков баштаган депутаттар, Улуу Ата Мекендик согуштагы концлагер туткуну Валентина Симоненко, мекеме-ишканалардын жетекчилери, шаар тургундары катышты.

 Иш-чарада Улуу Ата Мекендик согуштун катышуучуларына арналган эстеликке гүл коюлуп, куран окулду.

 Шаар мэри Эрнисбек Ормоков шаар тургундарын жана конокторун 9-май - Улуу Ата Мекендик согуштагы жеңиштин 80 жылдыгы менен куттуктап, согуш ардагерлери арабызда жок болсо да, алардын каармандыгы, жасаган эрдиги түбөлүккө сакталат деп белгиледи.

 Эскерте кетсек, Жалал-Абад шаарынан Улуу Ата Мекендик согушка 10 миңден ашуун адам аттанып, алардын 5024 кайтып келген.

Учурда шаарда жалгыз концлагер туткуну бар.