Төрага эл аралык олимпиадада ийгилик жараткан окуучуларды кабыл алды

 Жалал-Абад шаардык кеңешинин төрагасы Нуртилек Орозбаев Зуура Нурматова атындагы кыздар лицейинин математика сабагы боюнча эл аралык олимпиадада ийгилик жараткан окуучуларды жана алардын ата-энелерин кабыл алды. Төрага окуучуларды жана аталган лицейдин эмгек жамаатын куттуктап, окууларына ийгиликтерди каалады.

Олимпиада Сингапурда өтүп, ага дүйнөнүн 40 өлкөсүнөн 1-класстан 11-класска чейинки окуучулар катышкан. Жалал-Абад шаарынан 35 окуучу катышып, алардын 5и ийгилик жаратып, бир алтын жана төрт коло медаль жеңип алышкан.

Олимпиада онлайн түрдө өткөрүлгөн. Жеңген окуучулар Сингапурга жолдомого ээ болду.