Социалдык контрактты түзүү үчүн үй-бүлөлөрдү тандоонун тартиби

Кыргыз Республикасынын Министрлер Кабинетинин 2022-жылдын 15-июлундагы №385 "Социалдык контракттын негизинде социалдык жардам берүү жөнүндө" кабыл алынган токтомунун негизинде "Социалдык контракт" долбооруна 2023-жылга карата өлкө аймагы боюнча 10 000 миң жакыр жана аз камсыз болгон үй-бүлөргө социалдык контакттын негизинде социалдык жардам берүү көрсөтүлгөн, анын ичинен Жалал-Абад шаары боюнча 68 үй-бүлө аталган долбоорго катыша алышат.

 Социалдык контрактты түзүү үчүн үй-бүлөлөрдү тандоонун тартиби

 Социалдык контрактты түзүүгө ыйгарым укуктуу орган тарабынан белгиленген критерийлерге жооп берген үй-бүлө укуктуу.

 Социалдык контрактты түзүүгө укук алуу үчүн негизги критерийлер болуп төмөнкүлөр саналат:

- үй-бүлө жакыр же аз камсыз болгондугун ырастоочу документтин болушу (социалдык паспорттун болушу "үй-бүлөгө көмөк" жөлөкпулдун алуучусу);

- үй-бүлөдө бизнес-пландын болушу;

- үй-бүлөнүн социалдык контракттын негизинде социалдык жардам алууга макулдугу;

- үй-бүлөдө эркин эмгек потенциалынын болушу;

- үй-бүлөнүн мүлктүк потенциалынын болушу.

 Социалдык контракт түзүү укугун алуу үчүн үй-бүлөнүн өкүлү (мындан ары - арыз берүүчү) иш жүзүндө жашаган жери боюнча жергиликтүү өз алдынча башкаруунун аткаруу органына кайрылат жана ыйгарым укуктуу орган бекиткен форма боюнча социалдык контрактты түзүүгө арыздын бланкын (мындан ары - арыз) толтурат.

 Социалдык контрактты түзүү үчүн үй-бүлөлөрдү тандоону шаар мэриясынын алдындагы түзүлгөн Социалдык маселелер боюнча комиссия жүргүзөт (мындан ары - Комиссия).

 

 Ал эми Жалал-Абад шаар аймагында турган жарандар Жалал-Абад шаардык эмгек, социалдык камсыздоо жана миграция башкармалыгына кайрылышат.

Дареги: Достук кичи шаарчасы Тоголок Молдо көчөсү 80.