ПРЕЗИДЕНТ САДЫР ЖАПАРОВДУН ОНЛАЙН КАТЫШУУСУНДА ЖАЛАЛ-АБАД ШААРЫНДА 4 ОБЪЕКТ ПАЙДАЛАНУУГА БЕРИЛДИ

 29-август күнү Кыргыз Республикасынын эгемендүүлүк майрамын утурлай Жалал-Абад шаарындагы №1 үй-бүлөлүк дарыгерлер тобунун 3 кабаттуу жаңы имараты пайдаланууга берилди. Имаратты Президент Садыр Жапаровдун онлайн катышуусунда, Жалал-Абад шаарынын мэри Эрнисбек Ормоков ачып, имарат менен таанышты.

 Белгилей кетсек, Кыргыз Республикасынын эгемендүүлүгүнүн 34 жылдыгын утурлай, бүгүн, 29-августта өлкөдө 100дөн ашык социалдык объект Президент Садыр Жапаровдун онлайн катышуусунда бир учурда ачылып, пайдаланууга берилди. Алардын арасында Жалал-Абад шаарындагы 4 объект бар. Атап айтсак, №1 үй-бүлөлүк дарыгерлер тобунун имараты, Жалал-Абад облустук төрөт үйүнүн перинаталдык борборунун имараты, "Скай" эл аралык мектеби, №24 «Сейил» мектепке чейинки билим берүү уюму.