Президент Садыр Жапаров Жалал-Абад шаарынын тургундарын шаар күнү менен куттуктады

Жалал-Абад шаарында  26-октябрда, Аюб-Тоо тоосунун этегинде шаар күнүнө карата Кыргыз Республикасынын мамлекеттик туусун көтөрүү салтанаты болуп өттү. Аюб-Тоосунун боорунда бийиктиги 50 метрди түзгөн Кыргыз Республикасынын жаңы желеги көтөрүлдү.

Кыргыз Республикасынын Президенти Садыр Жапаров өз сөзүндө шаардыктарды майрамы менен куттуктады.

Мамлекет башчысынын куттуктоосунда мындай деп айтылат:

“Урматтуу Жалал-Абад дубанындагы мекендештер жана кымбаттуу калаа тургундары!

Сиздер менен жалпы республика боюнча жакшы саамалыкка айланып бараткан мамлекеттик туубузду көтөрүү жөрөлгөсүндө кайрадан жолугушуп жатканыма кубанычтамын.

Өлкө боюнча калкынын саны жагынан үчүнчү турган, убагында жаштардын жашыл шаары атанган Жалал-Абад шаарынын 146 жылдык майрамы менен баарыңыздарды чын дилимден куттуктаймын!

Бүгүн сиздер менен бирге Жалал-Абад шаарынын көркүнө көрк кошкон айтылуу Аюб-Тоосунун боорунда бийиктиги 50 метрди түзгөн мамлекеттик туубузду бийик көкөлөтүп жатабыз. Ылайым, байрагыбыз бийик желбиреген сайын мамлекетибиз дагы жаңы бийиктиктерге, жакшы жагына карай өзгөрүүлөргө жете берсин!

Мамлекетибиздин эгемендигинин эң башкы белгиси болгон байрагыбызды бийик желбиретүү, аны көздүн карегиндей сактоо, аяр мамиле жасоо мекендештерибиздин, айрыкча, өсүп келе жаткан муундун мекенчилдик духун күчөтүү болуп саналат.

Бул байыртадан бери келаткан ата-бабалардын эркиндикти, эгемендикти даңктап-даңазалоо, эл-жерин коргойм деген уул-кыздардын дем-күчүн, атуулдук сезимин арттырууга багытталган жөрөлгөлүү салты. Дүйнөдө теңдешсиз “Манас” дастаныбызда да:

- Желеги туудан бөлүнбөй,

Жердин жүзү көрүнбөй.

Асаба туудан бөлүнбөй,

Ааламдын жүзү көрүнбөй” –

деген саптар ар бир кыргыз уулунун денесин дүркүрөтүп, демине дем кошуп, чыйралтып турат.

Чынында чамгарагынан алтын түстүү күн нуру чачыраган кызыл туубуз кыргыз журтчулугубуздун, байыркы ата-бабаларыбыздын басып өткөн бай тарыхын – уюткулуу көчмөн элдин философиясын чагылдырып турат. Кызыл тууларды кылкылдата көтөрүп, “каруусун казык, канын азык” кылып жүрүп канчалаган кас-душмандарды жеңип, урпактардын келечегине кам көрүп, керемет Кыргызстанды Мекен кылып бизге аманат калтырган баатыр бабаларды эсибизден чыгарбашыбыз керек!

Өмүрүн эл четинде, жоо бетинде өткөргөн Курманбек баатыр, Жаныш-Байыш баатырлар, Нүсүп миң башы жана башка баатыр бабаларыбыз бизге мурас кылып калтырган дүйнөгө таанымал Арсланбапты, касиеттүү Сафед-Буланды, Аркыт, Кара-Алмайдай жер соорусун, тоо койнунда өзүнчө бир кооздукту камтыган Сары-Челекти, канча ооруга шыпаа болгон Аюб-Булак сындуу керемет жерлерди барктап-баалай билишибиз зарыл!

Соңку эки жылдан бери бабалардын ыраазычылыгы үчүн өлкөбүздүн жети дубанына мына ушундай кызыл желегибизди асмандата желбиретүү жөрөлгөсүн салтка айланттык. Өзүңүздөр билесиздер, Эгемендигибиздин 31 жылдыгында Сары-Өзөн Чүйдүн Чуңкурчак жайлоосунда, үстүбүздөгү жылы көз карандысыздык майрамыбызды белгилөөнүн алкагында ордолуу Ош шаарында, андан көп өтпөй Теңир-Тоонун Кочкор жергесинде Ормон хан атабыздын 230 жылдык мааракесин белгилөөнүн алкагында түндүгүн күн нуру чайыган кырмызы туубузду бийик көтөрдүк.

Ал эми сиздер байырлаган берекелүү Жалал-Абад шаарынын 146 жылдык майрамынын алкагында да бул жакшы жөрөлгөбүз унутта калган жок. Аюб-Тоонун боорунда көтөргөн туубуз бир туунун астында биригип, бекем ынтымакты сактап иш алпаруунун, эч кандай ажырымга жол бербөөнүн чакырыгы болсун.

Бүгүн кызыл туубузду көтөрүү менен бирге Жалал-Абад шаарынын күнү кеңири масштабда белгиленип жатат.

Мына бул биз турган Аюб-Тоонун этегинен байыркы убактарда Улуу Жибек жолунун бир каттамы өткөнү белгилүү. Учурунда Жалал-Абад калаасы Ооганстан жана Кытай менен тыгыз соода байланышта болгон. Мына ушул тогуз жолдун тоомундагы шаарыбыз ошол мезгилдерде эле Фергана өрөөнүнүн экономикасына жана социалдык-маданий жашоосуна түз таасир этип турган.

Техниканын доору сүрүп турган бүгүнкү заманда дагы жети дубан Кыргызстандын бир ыптасын толуктап, өлкөбүздүн ар тараптуу өсүп-өнүгүүсүндө, көп этностуу элдердин ынтымагы менен маданиятынын ширелишинде күнөстүү Жалал-Абад жергесинин орду чоң.

Урматтуу мекендештер! Жалал-Абад шаарынын тургундары!

Сиздерди Жалал-Абад шаарынын күнү менен дагы бир жолу куттуктайм!

Шаар күнүндө бир эсе шаарыбызга көрк берген, бир эсе жамы журттун жүрөгүн туйлатып, Мекенди сүйүү сезимдерин козгогон эн тамгабыз – мамлекеттик желегибиз эч качан түшпөсүн! Тоо койнунда өскөн кыргыз уулу Аюб-Тоодогу кызыл туубузду көргөндө колун жүрөгүнө коюп, бабалар мурас кылган аскар тоолуу, айдың көлдүү Ата Мекенди кийинки муунга татыктуу өткөрүп берүү парзын эстеп турсун!

Ар дайым бир туунун астында биригип, Ата Журттун алдыга арымдашына бир муштумдай түйүлүп, ынтымактуу кадам таштайлы.

Элибиз эсен, Мекенибиз тынч болсун! Асманыбыз ачык, туубуз көктө желбиреп, түндүгүбүз бийик болсун!”.

***********

Президент Садыр Жапаров поздравил жителей Джалал-Абада с Днем города

В городе Джалал-Абад сегодня, 26 октября, у подножья горы Аюб-Тоо состоялась торжественная церемония поднятия государственного флага Кыргызской Республики по случаю празднования Дня города.

На горе Аюб-Тоо подняли новый флаг Кыргызской Республики на флагштоке высотой в 50 метров.

Президент Кыргызской Республики Садыр Жапаров в своем выступлении поздравил горожан с праздником.

В поздравления Главы государства говорится (свободный перевод):

«Уважаемые соотечественники и жители Джалал-Абадской области!

Дорогие горожане!

Рад вновь встретиться с вами на церемонии поднятия нашего государственного флага, которая становится доброй традицией по всей республике.

Искренне поздравляю всех вас со 146-летием города Джалал-Абад, который является третьим по численности населения городом страны и самым зеленым городом молодежи.

Сегодня вместе с вами мы поднимаем наш государственный флаг высотой 50 метров на склонах горы Аюб-Тоо, которая украшает город Джалал-Абад. Пусть наша страна как флаг, который мы сегодня поднимаем достигает новых высот и стремиться только к лучшему!

Поднимать флаг, который является главным символом независимости нашей страны, хранить его как зеницу ока, бережно относиться к нему – это укрепление патриотизма у наших соотечественников, особенно подрастающего поколения.

Это церемониальная традиция, направленная на прославление свободы и независимости наших предков, а также повышение патриотизма сыновей и дочерей, защищающих свою землю. Даже в нашем несравненном эпосе «Манас» не имеющем аналогов говорится:

«Желеги туудан бөлүнбөй,

Жердин жүзү көрүнбөй.

Асаба туудан бөлүнбөй,

Ааламдын жүзү көрүнбөй».

Эти строки будоражат сознание каждого кыргызского сына. На самом деле красное знамя, с его золотыми солнечными лучами отражает богатую историю нашего кыргызского народа, наших древних предков – философию кочевого народа. Мы не должны забывать героических прадедов, которые побеждали многих врагов, заботились о будущем потомков и сделали прекрасный Кыргызстан нашей Родиной!

Предки Курманбек Баатыр, Жаныш-Байыш Баатыр, Нусуп мин баши и другие оставили нам в наследство всемирно известные места такие, как Арстанбоб, Сафет-Булан, Аркыт, Кара-Алмай, необычайно красивое место у подножья гор Сары-Челек, исцеляющий от многих болезней источник Аюб-Булак. На сегодня особо важно, чтобы мы ценили эти чудесные наши места!

В течение последних двух лет у нас была традиция развевать государственный флаг в небе в различных областях нашей страны в знак благодарности предкам. Как вы знаете, в 31-ю годовщину нашей независимости мы подняли государственный флаг на джайлоо Чункурчак Аламудунского района Чуйской области, после на следующую годовщину независимости флаг был поднят в реконструированном и благоустроенном парке имени Алымбека Датки у подножия горы Сулайман-Тоо в городе Ош, вскоре после этого флаг был поднят в селе Семиз-Бел Кочкорского района Нарынской области у памятника Ормон Хану.

И в рамках празднования 146-летия города Джалал-Абада мы не забыли об этой традиции. Пусть наше государственное знамя, поднятое на склонах горы Аюб-Тоо, станет призывом объединиться под одним знаменем, сохранить крепкую гармонию и не допускать никаких разногласий.

Сегодня, наряду с поднятием нашего государственного флага, с большим размахом отмечается День города Джалал-Абад.

Именно здесь, у подножия горы Аюб-Тоо, где мы находимся, в древние времена проходил один из маршрутов Великого Шелкового пути. В то время город Джалал-Абад имел тесные торговые связи с Афганистаном и Китаем и оказывал непосредственное влияние на экономику и общественно-культурную жизнь Ферганской долины того времени.

В нынешний век технологий весь Кыргызстан дополняют еще семь областей, а солнечный Джалал-Абад занимает большое место во всестороннем росте и развитии нашей страны, в единении и культуре многонациональных народов.

Уважаемые соотечественники! Жители города Джалал-Абад!

Пусть никогда не падет наш национальный флаг, который придает красоту городу, наполняя сердца людей, и пробуждает чувство любви к Родине! Пусть кыргызский сын, выросший в горах, когда увидит наш флаг на склонах Аюб-Тоо, положит руку на сердце и вспомнит о долге передать следующему поколению Отечество с горами и озерами.

Давайте всегда объединяться под одним флагом и идти вместе рука об руку.

Пусть наш народ будет в безопасности, пусть будет мир на нашей Родине.

Пусть наше небо будет открытым, а флаг реет высоко в небе, и пусть не падет тундук как символ отчего дома».