ПРЕЗИДЕНТ САДЫР ЖАПАРОВ ЖАЛАЛ-АБАД ШААРЫНДАГЫ РЕСПУБЛИКАЛЫК КӨРКӨМ СҮРӨТ ЖАТАК МЕКТЕБИН АЧТЫ

 Бүгүн, 30-август күнү, эгемендүүлүк майрамын утурлай Кыргыз Республикасынын Президенти Садыр Жапаров Жалал-Абад шаарында курулган академик Т.Садыков атындагы улуттук көркөм сүрөт академиясынын алдындагы республикалык көркөм сүрөт жатак-мектебинин үч кабаттуу жаңы имаратын ачты.

 Иш-чарага Министрлер Кабинетинин төрагасынын орун басары - УКМК төрагасы Камчыбек Ташиев, облус башчысы Тилек Текебаев, Жалал-Абад шаарынын мэри Эрнисбек Ормоков, ЖК депутаттары, Орусиядан келген коноктор жана шаар тургундары катышты.

 Аталган мектеп 100 орунга ылайыкташып, бардык шарттар каралган.

 Эске салсак, академик Т.Садыков атындагы улуттук көркөм сүрөт академиясынын алдындагы республикалык көркөм сүрөт жатак-мектебинин эски имараты 1906-жылы бир кабаттуу болуп курулган. Эскилиги жеткен имарат 2024-жылы буздурулуп, ордуна жаңы имараттын курулушу башталган.