ПРЕЗИДЕНТ САДЫР ЖАПАРОВ МАНАС ШААРДЫК ИЧКИ ИШТЕР БӨЛҮМҮНҮН ИМАРАТЫН ОНЛАЙН АЧТЫ

 1-ноябрь күнү, Кыргыз Республикасынын Президенти Садыр Жапаров Бишкектеги Турдакун Усубалиев атындагы аянтта милиция кызматкерлеринин кесиптик майрамына арналган салтанаттуу иш-чарага катышып, бир катар объектилерди онлайн ачты. Алардын катарында Манас шаардык ички иштер бөлүмүнүн капиталдык оңдоп-түзөөдөн өткөрүлгөн 3 кабаттуу имараты да бар.

 Имараттын ачылуу аземине Манас шаарынын мэри Эрнисбек Ормоков да катышып, милиция кызматкерлерин имараттын ачылуу аземи жана кесиптик майрамы менен куттуктады.