ӨСПҮРҮМДӨР АРАСЫНДАГЫ ӨЗ ӨМҮРҮНӨ КОЛ САЛУУЛАРДЫ, ҮЙ-БҮЛӨЛҮК ЗОРДУК-ЗОМБУЛУКТАРДЫ, КЫЛМЫШТУУЛУКТУ, ЭРТЕ НИКЕГЕ ТУРУУНУН АЛДЫН АЛУУ БОЮНЧА МЕКТЕПТЕРДЕ ЖЫЙЫНДАР ӨТКӨРҮЛҮП ЖАТАТ

 Манас шаарындагы №5 Б.Осмонов атындагы мектебинде жана С.Давлетов атындагы №14 мектепте өспүрүмдөр арасындагы кылмыштуулуктун, зордук-зомбулуктун алдын алуу, эрте никеге туруулардын алдын алуу боюнча жыйын өткөрүлдү.

Ага Манас шаарынын мэриясынын социалдык өнүгүү секторунун башкы адиси, прокуратура кызматкерлери, шаардык эмгек, социалдык камсыздоо жана миграция башкармалыгынын үй-бүлөнү жана балдарды коргоо бөлүмүнүн, шаардык билим берүү бөлүмүнүн жана ШИИБдин кызматкерлери катышууда.

Окуучулар менен жолугушуу учурунда тиешелүү адистер тарабынан жаштарга зордук-зомбулуктун жана эрте никенин терс таасирлери жөнүндө мисалдар аркылуу тушүндүрмөлөр берилди.

Иш-чаранын негизги максаты - жаштардын коопсуздугун сактоо, алардын психологиялык абалына көңүл буруу жана туура жашоо багытын көрсөтүү болуп санаталат.

 Белгилей кетсек, мындай жолугушуулар шаардагы бардык мектептерде бекитилген график боюнча өткөрүлүп жатат.