ОРУСИЯНЫН ЖОГОРКУ ОКУУ ЖАЙЛАРЫНЫН ӨКҮЛДӨРҮ ЖАЛАЛ-АБАД ШААРЫНА КЕЛДИ

15-ноябрда Орусиянын 18 жогорку окуу жайынын өкүлдөрү Жалал-Абад шаарындагы 10-11-класстын окуучулары менен жолугуп, окуу жайлары боюнча маалыматтар менен бөлүштү. Ошондой эле, Кыргызстандан тапшыргандар студенттерге жаратылган мүмкүнчүлүктөр, окууга тапшырууга керектелүүчү документтер тууралуу айтылды.

Иш-чарага Жалал-Абад шаарынын мэринин орун басары Гүлбарчын Таштанбекова катышып, жаштарды мүмкүнчүлүктөн туура пайдаланып, Орусиядагы жогорку окуу жайлардан билим алууга умтулууга чакырды.