Мурзакул Болуш көчөсүнө тротуар курулуп жатат

 Жалал-Абад шаарындагы Мурзакул Болуш көчөсүнө узундугу 3385 метр, туурасы 2,25 метр болгон жөө адамдар жүрүүчү жол курулууда.

 Аталган көчөгө темир-бетон арык куурларын жаткыруу, жарыктандыруу иши да жүргүзүлөт. Ошондой эле, жол четине аялдамалар орнотулат.

 Курулуш 2023-жылдын октябрь айында бүткөрүлмөкчү.

 Аталган курулуш Жалал-Абад шаарын өнүктүрүүгө республикалык бюджеттен бөлүнгөн 2 млрд. сом акча каражатынын эсебинен каржыланууда.

 Белгилей кетсек, Мурзакул Болуш көчөсү шаардан "Жалал-Абад" санаториясына баруучу жалгыз жол болуп саналат.