Мэрдин эл менен жолугушуусу уланууда

21-ноябрда Жалал-Абад шаарынын мэри Эрнисбек Ормоков Курманбек аймактык башкаруусунун жашоочулары менен жолугушту.

Жолугушууга шаардагы мекеме-ишканалардын жетекчилери жана жергиликтүү тургундар катышты.

Жолугушуу суроо-жооп форматында өтүп, жашоочулар тарабынан бир катар көйгөйлү маселелер айтылды. Шаар мэри элдин суроолоруна жооп берип, тийиштүү жетекчилерге жеринде тапшырмаларды берди. Ошондой эле, 2024-жылдын бюджетинен жасала турган жумуштар боюнча сунуштарды укту.

 Белгилей кетсек, мэрдин эл менен жолугушуусу алдыда Спутник, Достук жана Ч.Айтматов аймактык башкарууларында өткөрүлөт.