МЭР ЖАШТАР МЕНЕН ЖОЛУГУП, АЛАРДЫН СУРОО-СУНУШТАРЫН УКТУ

 Жалал-Абад шаарынын мэри Эрнисбек Ормоков шаардагы жогорку, орто окуу жайлардын активдүү студенттери, мектептердин жогорку класстарынын окуучулары жана активист жаштар менен жолугушуу өткөрдү. Ага мэрдин орун басары Гүлбарчын Таштанбекова жана Жалал-Абад шаарынын мэриясынын алдындагы Жаштар иштери боюнча кеңешинин төрагасы Бекмамат Арстанбековда катышты.

 Жолугушууда Эрнисбек Ормоков Жалал-Абад шаарында аткарылып жаткан жумуштар боюнча учкай маалымат берип, жаштарга жаратылып жаткан мүмкүнчүлүктөргө токтолду.

 Андан соң жолугушуу суроо-жооп иретинде улантылып, жаштар өздөрүн кызыктырган суроолоруна жооп алышып, шаарды өнүктүрүүгө багытталган, жаштарга зарыл болгон шарттарды түзүү жаатында бир катар сунуштарын айтышты.

 Шаар мэри билимдүү жаштар - өлкөнүн келечеги экендигин баса белгилеп, алар тарабынан айтылган мыкты сунуштарды колдоого ала турганын билдирди. Ошондой эле, тиешелүү жетекчилерге жеринде тапшырмаларды берди.