МЭР “МУРАС ЮНАЙТЕД” ФУТБОЛДУК КЛУБУНУН ОЮНЧУЛАРЫН ЖАНА МАШЫКТЫРУУЧУЛАРЫН КУТТУКТАДЫ

 Жалал-Абад шаарынын мэри Эрнисбек Ормоков “Мурас Юнайтед” футболдук клубун Кыргыз Республикасынын футбол боюнча чемпионатынын коло байгесин жеңип алышы менен куттуктап, оюнчуларга жана машыктыруучуларга спорттун бул тармагын өнүктүрүүгө кошуп жаткан зор салымдары үчүн ыраазычылык билдирип, командага ийгилик каалады.

Үчүнчү орун үчүн болгон беттеш бүгүн, 28-ноябрь күнү, Жалал-Абад шаарындагы "Курманбек" стадионунда орун алып, Жалал-Абад шаарынын "Мурас Юнайтед" футболдук клубу Оштун "Алай" футболдук клубун 3:1 эсебинде жеңип алды.

 Белгилей кетсек, "Мурас Юнайтед" футболдук клубу 2023-2024-жылдары катары менен футбол боюнча Кыргыз Республикасынын кубогун жеңип алган.