МАНАС ШААРЫНЫН МЭРИ ОКУУЧУЛАР МЕНЕН ЖОЛУГУШТУ

 2-октябрь күнү, Манас шаарынын мэри Эрнисбек Ормоков шаардагы мектептердин 8-9-10-11-класстарында билим алып жаткан окуучулар менен жолугушту. Жолугушууда шаар башчысы окуучуларга калаада орун алып жаткан өсүп-өнүгүүлөр, алдыдагы пландар боюнча кеңири маалымат берди. Андан соң окуучулардын суроо-сунуштарын угуп, алардын келечектеги ой-максаттарына, тилектерине ортоктош болду.

 Белгилей кетсек, аталган иш-чара Манас шаардык прокуратурасы тарабынан окуучулардын патриоттуулук сезимин ойготуу, мекенге болгон сүйүүсүн, жоопкерчилигин жана билим алууга болгон кызыгуусун арттыруу максатында уюштурулган.