КЫРСЫКТАРДЫН ТОБОКЕЛДИГИН АЗАЙТУУ КҮНҮНӨ КАРАТА ИШ-ЧАРА ӨТКӨРҮЛДҮ

Бүгүн, 27-сентябрь күнү Жалал-Абад шаарынын борбордук аянтында Кырсыктардын тобокелдигин азайтуу күнүнө карата жөө жүрүш жана практикалык машыгуу көргөзмөсү өткөрүлдү. Ага Президенттин Жалал-Абад облусундагы ыйгарым укуктуу өкүлүнүн биринчи орун басары Мамасалы Акматов, ӨКМдин Жарандык коргонуу башкармалыгынын башчысы Алмаз Асанов, Жалал-Абад шаарынын мэри Эрнисбек Ормоков, облустук жана шаардык Жарандык коргонуу кызматтары, мекеме-ишканалардын кызматкерлери, студенттер, мектеп окуучулары жана шаар тургундары катышты.

 Иш-чара 5-октябрь - Кырсыктардын тобокелдигин азайтуу күнүнө карата уюштурулган. Анын негизги максаты - өзгөчө кырдаалдарда калктын жүрүм турум саясатын түзүү, элдерге ар тараптуу түшүндүрүү иштерин жүргүзүү болуп саналат.

 Кырсыктардын тобокелдигин азайтуу күнү Кыргызстанда жыл сайын белгиленип келет.