КЫЛМЫШТУУЛУКТУН ЖАНА ЗОРДУК-ЗОМБУЛУКТУН АЛДЫН АЛУУ БОЮНЧА ОКУУЧУЛАРГА ТҮШҮНДҮРҮҮ ИШТЕРИ ЖҮРГҮЗҮЛДҮ

 Жалал-Абад шаарынын Ч.Айматов аймактык башкаруусу тарабынан кылмыштуулуктун жана зордук-зомбулуктун алдын алуу, эрте турмуш куруу, жугуштуу оорулардын алдын алуу боюнча тийиштүү кызматкерлердин, мугалимдердин жана мектеп окуучуларынын катышуусунда “Сенин келечектеги кесибиң” аталышындагы иш-чара болуп өттү.

 Иш-чаранын жүрүшүндө мектеп окуучулары Жалал-Абад мамлекеттик университетинин факультеттери менен таанышып, окуу жай боюнча кызыккан суроолоруна жооп алышты.

 Мындан сырткары, Жалал-Абад шаардык ички иштер бөлүмүнүн "Курманбек" аймактык милиция бөлүмчөсүнүн ишмердүүлүгү менен таанышып, милиция кызматкерлери тарабынан кылмыштуулуктун алдын алуу боюнча түшүндүрүү иштери жүргүзүлдү.