КУБАНЫЧБЕК КУРМАНАЛИЕВДИН ЖАРКЫН ЭЛЕСИНЕ АРНАЛГАН ИШ-ЧАРА ӨТТҮ

 Бүгүн, 15-ноябрда Жалал-Абад шаарындагы Барпы театрында "Күз кайрыктары" аталышындагы КВН өттү. Иш-чара Маданияттын мыкты кызматкери, маркум Кубанычбек Курманалиевдин элесине арналып уюштурулган.

 Анда өлкөнүн 7 дубанынан келген таланттуу жаштар тапкычтыгы, чыгармачылык жөндөмдүүлүгү менен күч сынашып , жыйынтыгында Бишкектен келген "Лидер" командасы биринчи орунду ээледи.

 Кубанычбек Курманалиев 1967-жылы Сузак районуна караштуу Алмалуу айылында төрөлгөн. Өмүр жолунда бир катар маданият кызматкерлерине устат болуп, 2014-жылдан, 2022-жылга чейин Жалал-Абад шаардык мэриясынын Маданият сарайын жетектеген.

 Эске салсак, ал 2022-жылдын 21-октябрь күнү, 55 жашында оорудан улам мезгилсиз дүйнөдөн кайткан.