ФУТБОЛ БОЮНЧА УЛУТТУК КУРАМА КОМАНДА ЖАЛАЛ-АБАД ШААРЫНА КЕЛДИ

 27-май күнү Кыргыз Республикасынын футбол боюнча улуттук курама командасы машыгуу үчүн Жалал-Абад шаарына келди. Футболчуларды "Жалал-Абад" аэропортунан шаар мэри Эрнисбек Ормоков, Жалал-Абад шаардык кеңшинин төрагасы Нуртилек Орозбаев, спортчулар жана футболчулардын күйөрмандары тосуп алды.

 Улуттук курама команда Жалал-Абаддагы «Барселона» академиясында машыгуу өткөрөт. Машыгуу 4-июнга чейин уланат.

 Футбол боюнча улуттук курама команда, Дүйнө чемпиондугуна жана Азия Кубогуна тандоо оюндарынын алкагында июнь айында Малазия жана Оман менен беттеш өткөрөт.