Футбол: "Мурас Юнайтед" "Андижан" футболдук клубун 1:0 эсебинде жеңди

 Бүгүн, 10-сентябрь күнү Жалал-Абад шаарындагы "Курманбек" стадионунда Кыргызстандын "Мурас Юнайтед" футболдук клубу менен Өзбекстандын "Андижан" футболдук клубу достук беттешин өткөрдү.

Футболдук беттешке Президенттин Жалал-Абад облусундагы ыйгарым укуктуу өкүлү Абсаттар Сыргабаев, Жалал-Абад шаарынын мэри Эрнисбек Ормоков, шаардык кеңештин төрагасы Нуртилек Орозбаев баштаган депутаттар, жергиликтүү бийлик өкүлдөрү, миңдеген футбол күйөрмандары катышты.

 Футболдук беттеш 1:0 эсебинде "Мурас Юнайтеддин" жеңиши менен аяктады.