Эл өкүлдөрү «Жергиликтүү лидерлер натыйжалуу өзгөрүштөргө» аталышындагы конференцияга катышты.

28-30-июль күндөрү Жалал-Абад шаардык кеңешинин депутаттары Бишкекте өткөн «Жергиликтүү лидерлер натыйжалуу өзгөрүштөргө» аталышындагы конференцияга катышты. Ага жалпысынан Кыргызстандагы 18 жергиликтүү кеңештин депутаттары барган.

Иш-чаранын алкагында 2023-жылга карата аткарылган долбоорлорго презентация жасалып, жер-жерлердеги шаардык кеңештердин аткарган иштери тууурасында таанышуу болду.

Мындан сырткары, жергиликтүү көйгөлөрдү чечүүдө депутаттар аткаруу бийлиги менен биргеликте тыгыз иш алып баруу жолдорун талкуулашты.

Конференция суроо-жооптор менен коштолду.

Жергиликтүү элдин суроо-талабын аткарууда, аларга көмөк көрсөтүүдө депутаттар элдин ишеничин актоо керек экендиги белгиленди.