Эл өкүлдөрү шаардагы тигүү цехтеринин ишмердүүлүгү менен таанышып чыгышты

 Бүгүн, 27-мартта Жалал-Абад шаардык кеңешинин "Өнөр жай, соода, айыл чарба жана байланыш" боюнча туруктуу депутаттык комиссия курамынын мүчөлөрү Г. Худайбердиева, А.Жоробаев, Н. Айдарова,

М.Апатаев тиешелүү адистер менен биргеликте белгиленген иш-мерчемге ылайык, шаардагы тигүү цехтеринин ишмердүүлүгү менен таанышып чыгышты.

Кыдыруу учурунда, "Баяна стиль”, “Нур и Ко”, “Чебер” тигүү цехтеринде жана “ Көзү азиздер жана дүлөйлөр” коомунда болушту. Өнөр- жай тармагы маанилүү тармактардын бири экендигине карабай, учурда тигүү цехтеринде жумуштун жай жүрүп жатканына күбө болушту.

Эл өкүлдөрү ишкерлердин көйгөйлөрүн жеринде угуу менен бирге бул тармакты өстүрүү боюнча , сунуш-пикирлерин беришти .

Белгилей кетсек, Жалал-Абад шаарында жеңил өнөр-жай тармагы боюнча 80 ден ашуун жеке ишканалар ишмердүүлүк жүргүзүп, 300 дөн ашуун жумушчу орундары түзүлгөн.