ЭЛ ӨКҮЛДӨРҮ КАРЫЯЛАРДАН КАБАР АЛДЫ

23- мартта Жалал-Абад шаардык кеңешинин төрагасы Нуртилек Орозбаев , эл өкүлдөрү Каныбек Маманов жана Тынчтыкбек Саматов Сузактагы улгайган жана ден-соолугунан мүмкүнчүлүгү чектелген жарандардын социалдык-стационардык мекемесине барышты.

Эл өкүлдөрү аталган мекемедеги карыяларга өз каражатынын эсебинен жалпы суммасы 40 миң сомдон ашуун каражатка турмуш-тиричилик буюмдарын , тамак-аш азыктарын тапшырышып,

мында эмгектенип жаткан кызматкерлердин иштерине ийгиликтерди каалашты.

Мекеменин эмгек жамааты жана карыялар көрсөтүлгөн жардамга ыраазычылыктарын билдиришип , эл өкүлдөрүнө ак баталарын беришти.

Белгилей кетсек, учурда аталган мекемеде ден соолугунун мүмкүнчүлүгү чектелген жана багар көрөрү жок 96 карыя күн кечирип келет.