Ч.АЙТМАТОВ АЙМАКТЫК БАШКАРУУ МЕКЕМЕСИНИН ЖАҢЫЛАНГАН ИМАРАТЫ ПАЙДАЛАНУУГА БЕРИЛДИ

 Бүгүн, 26-ноябрда Жалал-Абад шаарынын мэриясынын Ч.Айтматов муниципалдык аймактык башкаруу мекемесинин жаңыланган имараты пайдаланууга берилип, аталган аймактык башкаруунун алдындагы коомдук алдын алуу борбору ачылды.

 Ачылуу аземге Жалал-Абад шаарынын мэринин орун басары Гүлбарчын Таштанбекова, Жалал-Абад ОИИБдин башчысы Марлис Асанов, аймактык башкармалыктын кызматкерлери жана шаар тургундары катышты.

 Аталган аймактык башкаруу мекемесинин жана Коомдук алдын алуу борборунун имараты Жалал-Абад шаарынын мэриясынын жана "Saferworld" "Эл аралык толеранттуулук үчүн” фондунун каржылык колдоосу менен оңдоп-түзөөдөн өткөрүлүп, керектүү жабдуулар алынган.

 Мында Ч.Айтматов муниципалдык аймактык башкаруу мекемесинин кызматкерлери, аксакалдар соту, аялдар кеңеши, жаштар комитети жана милиция кызматкерлери үчүн бөлмөлөр каралган.