АЗИЯ ЧЕМПИОНАТЫНДА КОЛО МЕДАЛЬ ТАГЫНГАН СПОРТЧУНУ САЛТАНАТТУУ ТОСУП АЛЫШТЫ

24-июнь күнү, эркин күрөш боюнча Виьетнамда өткөн Азия чемпионатында коло медаль тагынган спортчу Мухаммадрасул Салиевди "Жалал-Абад" аэропортунан салтанаттуу тосуп алуу аземи болуп өттү. Иш-чарага Жалал-Абад шаарынын мэринин орун басары Уларбек Исмаилов, шаардык дене тарбия жана спорт бөлүмүнүн башчысы Таласбек Нуралиев баштаган спортчулар жана машыктыруучулар катышты.

 Белгилей кетсек, Жалал-Абад шаарындагы Р.Санатбаев атындагы спорт мектебинин тарбиялануучусу Мухаммадрасул Салиев Вьетнамдын Вунг Тау шаарында 23 жашка чейинкилер арасында өткөн эркин күрөш боюнча Азия чемпионатында коло медаль тагынган. Анын машыктуруучусу Санжар Рыскулов.