АЮП-ТООГО ОЮН-ЗООК ПАРКЫН УЮШТУРУУГА ДОЛБООР ДАЯРДОО БОЮНЧА ЖАРЫЯЛАНГАН СЫНАКТЫН ЖЕҢҮҮЧҮСҮ АНЫКТАЛДЫ

 Жалал-Абад шаарынын Аюп-Тоо участкасында жайгашкан муниципалдык жер тилкесине заманбап оюн – зоок паркын уюштуруу үчүн эскиздик долбоор даярдоо боюнча жарыяланган сынактын жыйынтыгы чыгарылды.

 Сынактын соңку баскычында 2 талапкердин эскиздик долбоорлору каралды.

Алар өздөрүнүн эскиздик долбоорлорун комиссия мүчөлөрүнө тааныштырып, берилген суроолорго жооп беришти.

 Жыйынтыгында комиссия мүчөлөрүнүн чечими менен 1-орунду Эрмек Болотбеков алып 400 миң сом сыйлыкка ээ болду. Ал эми 2-орунду алган Нурсултан Нишанов 100 миң сом сыйлыкка ээ болду.

 Белгилей кетсек, Жалал-Абад шаарынын мэриясы Аюп-Тоо участкасында жайгашкан 12гектар муниципалдык жер тилкесине заманбап оюн-зоок паркын уюштуруу үчүн эскиздик долбоор даярдоого конкурс жарыялаган. Кийинчерээк аталган участканын аянты кеңейтилип, оюн-зоок паркынын жалпы аянты 40 гектар болуп өзгөртүлгөн. Ал эми сынактын байгесине жергиликтүү бюджеттен 500 миң сом акча каражаты бөлүнгөн.