АЙМАКТЫК БАШКАРУУЛАРДЫН БАШЧЫЛАРЫ СЫЙЛАНДЫ

 Жалал-Абад шаарынын мэриясынын аймактык башкарууларынын жана аймактык башкармалыктарынын башчылары Мамлекеттик камсыздандыруу уюму тарабынан "Камсыздандыруу маданиятын өнүктүрүүгө кошкон салымдары" үчүн ыраазычылык кат менен сыйланышты.

 Иш-чарага Жалал-Абад шаарынын мэри Эрнисбек Ормоков, Мамлекеттик Камсыздандыруу уюмунун Жалал-Абад филиалынын директору Марат Кудайбергенов катышты.

 Шаар башчысы турак-жайларды жана автоунааларды камсыздандыруу учурдун талабы экендигин белгилеп, бул багытта аймактык башкаруулардын башчылары менен Мамлекеттик камсыздандыруу уюмунун адистери калк арасында түшүндүрүү иштерин күчөтүүсү зарылдыгын кошумчалады.