"ЖЫЛДЫН МЫКТЫ МУГАЛИМИ" СЫНАГЫ ӨТКӨРҮЛДҮ

Жалал Абад шаардык билим берүү бөлүмү тарабынан уюштурулган "Жылдын мыкты мугалими” шаардык сынагында Кадыр Закиров атындагы №2 орто мектебинин кыргыз тили жана адабияты мугалими Асилова Нурайым Камчыбековна 2- орунду ээледи. Бул сынак жыл сайын мугалимдик кесиптин кадыр-баркын жогорулатуу, билим берүү уюмдарынын таланттуу, чыгармачылык менен иштеген мугалимдерин аныктоо, аларды колдоо жана кубаттоо, ар бир мугалимдин өзүн- өзү жана кесиптик сапаттарын көрсөтүшүн камсыздоо, кесиптик байланыш чөйрөсүн кеңейтүү, шаардын мыкты мугалимдеринин педагогикалык тажрыйбасын жайылтуу жана мугалимдердин мыкты тажрыйбасы жөнүндө маалымат банкын педагогикалык маалымат менен толуктоо максатында өткөрүлүп келет.